1984



АНГИЛАЛ
Орчин үеийн утга зохиол
ХУДАЛДААНД
2022
Есдүгээр сар 14
БҮТЭЭЛИЙН ХЭЛ
MON
Монгол
НИЙТ ХУГАЦАА
13 цаг 46 мин
ХЭМЖЭЭ
1080.0
MB
ISBN-13
9789919515188

Зохиолчийн бусад номууд


Ихэвчлэн хамт авдаг

Дээрх бүтээлийг авсан хэрэглэгчид ихэвчлэн эдгээрийг хамтад нь авдаг.

Санал болгох


Танилцуулга

Английн зохиолч Жорж Оруэллийн Мянга есөн зуун наян дөрөв “Дистопи” зохиол нь анх 1949 онд хэвлэгдэн гарсан билээ. Энэхүү зохиолд тоталитар засаглалийн аймшигт урхагийг зөгнөн бичсэн бөгөөд хар дарсан зүүд мэт айдас хүйдэс ноёлсон, бүхнийг эрхшээгч цагдаагийн улс ирээдүйд тогтож буй тухай өгүүлнэ. Мянга есөн зуун наян дөрөв романд дүрсэлснээр суртал ухуулга явуулсныхаа үрээр тухайн улс бүх иргэнийхээ амьдрал ахуй болоод бодол санаанд бүрэн хяналт тогтоогоод зогсохгүй, тэднийг өөрсдийнхөө бодлогын үүднээс л үг хэлдэг, бодож сэтгэдэг болгох арга журмыг хэрэгжүүлж байгаа нь дэлхийн утга зохиолд хэзээ ч хөндөгдөөгүй тийм л нарийн ширийн задлан дүгнэгдээгүй сэдэв юм.

Гол баатар Уинстон Смит сэтгэхүйн цагдаагийн газарт баривчлагдах ба түүний өдүүлсэн гэмт хэрэг гэвэл нийтээр хүлээн зөвшөөрөгдөөгүй итгэл үнэмшилтэй болж, хайр дурлалаа нуун хамгаалсан явдал аж. Намын гишүүн Уинстон Смит Үнэний яам буюу шинэ хэлээр Үнэняаманд түүхийн редакторын ажил эрхэлдэг. Түүхийн тэмдэглэлт үйл явдлыг өөрчлөн найруулж, тухайн цаг үеийн зураг дурсгалд засвар оруулах нь түүний үндсэн үүрэг. Ангсоц дэглэмтэй Далайн гүрэнд ганцхан үнэн оршдог бөгөөд тэр нь намын таалалд л үйлчилнэ. Хэзээ ч өөрчлөгдөж болох тэр л үнэнд итгүүлэх гэж тэд намын гишүүдэд хоёр сэтгэхүйг ухуулан сурталчлах нь айдас төрүүлэм.
Энэ л аймшигт харанхуй ертөнцөөс Смит ирээдүйд хаяглан тэмдэглэл хөтөлнө. Хүн байхын өчүүхэн хэлтэрхийг хүүхэд ахуй насны бүдэг бадаг дурсамж, зүүд нойрноосоо амссан тэрээр хүн төрөлхтний ухамсраас үнэний талд зогсох эрх чөлөөг Их ах, нам хулгайлж чадахгүй хэмээн нууцхан найдвар тавина. Гэвч түүнд найдвар тавих эрх чөлөө байсан гэж үү.


Үзүүлэлт

ISBN-139789919515188
Худалдаанд гарсан огноо2022-09-14
ФорматАудио ном
Эрхлэн гаргасанМонсудар хэвлэлийн газар
Бүтээлийн хэлМонгол
Файлын хэмжээ1080 MB

Зохиолчийн талаар

Жорж Оруэлл буюу Английн зохиолч Эрик Артур Блэар (1903-1950) Энэтхэгийн Бенгалд төржээ. Тэрбээр 1928-1929 онд Парист амьдарч байхдаа зохиол бичиж эхэлжээ. Анхны бүтээл Парис, Лондонгоор бядан явсан тэмдэглэл-ээ 1933 онд хэвлүүлсэн байна. Жорж 1936 онд иргэний дайн дэгдсэн Испанид сурвалжлагчаар очсон ч Франкогийн дэглэмийн эсрэг Ажилчны Нэгдсэн Марксист Намын төлөө тулалдаж яваад шархдан нутаг буцжээ. Тэрээр 1937 онд Виган хөлөг онгоцны буудал хүрэх зам, 1938 онд Каталоны магтуу хэмээх тэмдэглэлээ хэвлүүлсэн ч амьд ахуй цагт нь төдийлөн нэр алдарт хүрч чадаагүй юм. 

Өнөөгийн уншигчид Жорж Оруэллыг нийгмийн дарангуйлал, эрдэм боловсролгүй ард түмэн хэрхэн дарлал мөлжлөгт өртдөгийг харуулсан Амьтны ферм (1945), тоталитар дэглэмийн эсрэг үзлийн туг болсон Мянга есөн зуун наян дөрөв (1949) зохиолуудаар нь мэдэх билээ.


Хэрэглэгчийн сэтгэгдэл

0.0 үнэлгээтэй
Нийт 0 сэтгэгдэл

Сэтгэгдэл үлдээх

Бусад үйлчлүүлэгчидтэй санал бодлоо хуваалцаарай
Та сэтгэгдэл бичихийн тулд нэвтэрсэн байх ёстой. Нэвтрэх

Хэрэглэгчийн сэтгэгдэл байхгүй