Энэхүү ном нь 2016 онд ХБНГУ-д Ровоольт хэвлэлийн газраас хэвлэгдэн гарсан даруйдаа олны анхаарлыг татаж, ихэд яриа хөөрөө, хэлэлцүүлэг өрнүүлсэн билээ. Зохиогч Томас Мелле сэтгэцийн өвчнийхөө талаар үнэхээр гүн сэтгэгдэл төрүүлэхүйц бичсэнээс гадна ихэнх өвчний түүхүүд ойлгоход бэрх, уншихад уйтгартай байдаг бол энэхүү намтар нь уран зохиолын аргаар, роман хэлбэрээр бичигдсэн нь маш онцгой. Энэхүү романыг уншаад сэтгэцийн эмгэгтэй хүн юу боддог, түүнд ямар байдгийг ойлгож мэдрэх боломжтой. Зохиогч Томас Мелле “хоёр туйлт эмгэг” хэмээх сэтгэлийн хөөрөл, гутралын эмгэгээр олон жилийн турш шаналж буй. Энэхүү бүтээлдээ тэрээр өөрт тохиолдсон үйл явдал болон эрүүл мэнд нь хэрхэн урт удаан хугацаанд сайжирч буй талаараа бичиж, өвчтөний дотор юу болдгийг гайхалтайгаар харуулжээ. Энэ бол нэгэн сүйдсэн амьдралын цагалбар, уран зохиолын өндөр чадамжтай намтар бүтээл юм.