Ховдоос Харвард хэмээх энэхүү ном нь зохиогчийн алс бөглүү баруун хязгаарт төрж өссөнөөс эхлээд олон хэцүү даваа, саад бэрхшээлийг даван туулж орчин цагийн дэлхийн топ их сургуулийг амжилттай дүүргэсэн хийгээд өөрийн амьдралын баяр жаргалтай болон гуниг мухардалтай зэрэг өнгө алагласан сургамжтай бас сонирхолтой түүх дээр суурилан бичиглэсэн намтарчилсан бүтээл юм. Уг номыг дэлгэснээр та монгол хүн дэлхийн хүн болохыг мөрөөдсөн хэт холын мэт санагдавч хүн бүрд нээлттэй боломжийг гартаа атгаж, ирээдүйн хүсэл зорилгодоо хүрэх хаалгыг өөртөө нээхэд тань их бага хэмжээгээр тус нэмэр болох урам зориг, итгэл найдварыг олж авна гэдэгт итгэлтэй байна.