Их, дээд сургуулийн сургалтад орсон сэтгүүл зүйн онол, түүх, практик, арга зүйн шинжтэй хичээлүүдийн хөтөлбөрийн хүрээнд үздэг үндсэн нэр томъёо, ойлголтыг түлхүү оруулж, тодорхой жишээ баримтад тулгуурлан аль болох хялбаршуулан тайлбарлахыг хичээсэн бөгөөд толь бичгийг бэлтгэхдээ Оросын нэрт эрдэмтэн Е.П.Прохоров, Я.Н.Засурский, В.В.Ученова, В.В.Ворошилов, АНУ-ын судлаачид Ж.Меррил, Э.Деннис, Ж.Кин, Э.Б.Ламбет, У.Шрамм, Т.Петерсон нарын суурь бүтээлүүд, Америк болон Өрнөдийн орнуудын сэтгүүл зүй судлалын толь бичиг, лавлагааны бүтээлүүд, нийгмийн шинжлэх ухааны бусад салбараар хийгдсэн цөөнгүй толь бичгийг шүүрдэн үзэж, шаардлагатай гэж үзсэн нэр томъёо, ойлголтуудын талаар товч тайлбар хийхийг хичээсэн.