Бид энэхүү номыг аав ээж, өвөө эмээ, багш, сурган хүмүүжүүлэгч, сэтгэл заслын эмч, асран хүмүүжүүлэгч зэрэг хүүхэдтэй ойр дотно харьцаж, ажилладаг бүх хүмүүст зориулан бичсэн билээ. Өдөр тутмын амьдралд учирдаг тохиолдлуудаас үлгэрлэн хүүхдэд хэрхэн ухаарал хайрлах, аливаа бэрхшээлийг хүүхэдтэйгээ хамт даван туулж, аз жаргалтай амьдрах арга замыг олоход тань бид туслах болно. Энэхүү номд хүүхдийн зүүн, баруун тархийг зэрэг хөгжүүлэх зарчмыг тайлбарлаж, хүүхдийг аз жаргалтай, эрүүл энх, өөртөө итгэлтэй нэгэн болгож хүмүүжүүлэх арга барилуудыг танд толилуулах юм.
Эцэг эхчүүд бүгд л хүүхдээ зөв үзэл бодолтой, сайн хүн болж, аз жаргалтай амьдраасай гэж хүсэцгээдэг. Гэхдээ хүүхэд тань зоогийн газарт муухай аашилж, шалан дээр хэвтчихээд орилж тийчлээд байвал та санаа зовсондоо хүүхдээ аваад тэндээс бушуухан гарч одохын түүс болох нь дамжиггүй. Хэрэв та нэгэнт хүүхэд өсгөх үүрэг хүлээсэн бол түүнийг ирээдүйн амьдралаа бие даан аваад явчих нэгэн болгон хүмүүжүүлэхийг чин сэтгэлээсээ хичээж, тэднийг үнэнч найз нөхөдтэй, бусдыг энэрэн хайрладаг, сурлага сайтай, ажилсаг, ухамсартай өөртөө итгэлтэй хүн болоосой гэж хүсэх нь мэдээж.
Бэрхшээлийг дав! Жаргалтай амьдралын төлөө тэмүүл!