Ардын уран зохиолч Б.Баастын 'Улаан хэрэм' хэмээх X дахь цувралд түүний голдуу хэвлэгдээгүй, хэвлэгдсэн ч янз бүрийн шалтгаанаар засагдаж, хасагдаж байсан зохиолуудаа өөрийнхөө анх бичсэн гар эхэд шилжүүлж, мөн огт хэвлэлд гараагүй зохиолуудаа эмхтгэн та бүхэнд хүргэж байна. Мөн захидлынх нь эхний хэсэг болох 104 захидал, бичиг сэлт орсон болно. Энд, хайрт аав, ээж, эгч, ах дүү, нутаг усны хүмүүс, төрөл садан, сургуулийн болон багын найзууд, анхны ханийнх нь захидлууд дэлгэгджээ.