Тагнуулын үйл хэрэг гэдэг бол олон хүний итгэлцэл, нягт хамтын ажиллагааны үр дүн байдаг бөгөөд тэд ихэвчлэн хэзээ ч олон түмэнд ил гарч алдаршихгүй хувь заяаг эгнэгт сонгосон байдаг. Улс орны хувь заяа хаашаа ч эргэж болзошгүй хүнд хэцүү цагуудад өндөр хэмжээнд бэлтгэгдсэн тагнуулчдыг хилийн чанадад илгээн, гүн халхавчтайгаар үүрэг гүйцэтгүүлж, бахдам амжилтанд хүрч байсныг олон нийт бодит байдлаар нь биш уран сайхнаар бага сага төсөөлөхөөс хэтэрдэгггүй нь тусгай албаны хатуу ширүүн онцлог билээ. Монголчууд түүхэндээ цөөн хүчээр дайснаа илүүрхэн дарж байсан нь чухамдаа тагнуулын арга ажиллагааг гарамгай эзэмшиж, хэрэглэж ирсний илрэл болохыг эрхэм уншигч та энэхүү номоос уншиж ойлгох болно.