Өнгөрсөн түүх бичлэгт монголын түүхийн улс төрийн бутрал болон манжийн эрхшээлийн үеийг ихэвчлэн шашны үүднээс авч үздэг байсан боловч тэр үеийн шашны том зүтгэлтнүүд бол тухайн үеийн бичиг ном, гүн ухаанд боловсорсон соён гэгээрүүлэгчид байсан гэдгийг төдийлөн тооцдоггүй байжээ. Уг номоор дамжуулан монголын түүхийн бас нэгэн шүр, сувд болсон соён гэгээрүүлэгчдийг эрдэмтэн лам, шинжлэх ухааны зүтгэлтэн, шүлэгч-яруу найрагч, уран гартан, ардын билиг авъяастан, сурган номлогч зэрэг үе үеийн янз бүрийн салбар чиглэлийн хүмүүсээр төлөөлүүлэн оруулжээ.