Монгол

Уг номын зохиогчид Монгол Улсын Иргэний хуулийн шинжлэх ухааны тайлбарыг боловсруулахдаа эх газрын эрх зүйн тогтолцоотой ХБНГУ, Швейцарь, Франц зэрэг улсын хуулийн тайлбар бичих арга, техникээс санаа авч, уг хуулийг зүйлчилсэн байдлаар тайлбарласан байна. Иргэний хуулийн шинжлэх ухааны тайлбарыг Герман, Швейцарийн хуульчдын хэрэглэж заншсан хууль зүйн шинжлэх ухааны онол ба шүүхийн практикийг хослуулсан хуулийн тайлбар (Code annote), түүнчлэн Францад хуулийн тайлбарын зэрэгцээ түгээмэл хэрэглэгддэг хууль зүйн сурах бичиг (traite manuel), хууль зүйн тайлбар толь (Repertoire) - ны хэрэглээний үүргийг зэрэг хангахуйцаар боловсруулжээ.  