Мэргэжлийн хүмүүс философийн асуудлуудыг олон нийтэд зориулан энгийн үг хэллэгээр, цаг үетэй нь холбон бичих болсон энэ цаг үед Германы философич, доктор Давид Прехт "Би хэн бэ? Тийм гэвэл хэдэн би вэ?" ном бичсэн нь олон улсад бэстселлер болжээ. Уг бүтээл нь орчин үеийн философи болон хүний ухааны талаар шинэ мэдлэгтэй танилцуулахаас гадна Үнэн гэж юy вэ?, Би яг хэн бэ гэдгээ хэрхэн мэдэх билээ?, Тархи судлал юуг хийж болохгүй вэ? зэрэг амьдралын тухай философийн том асуултууд руу хөтлөх болно.

Мөн энэ ном зөвхөн сонирхол татах төдий бус, ерөнхий мэдлэгээ тэлэх, хүмүүстэй зөв сэдвээр ярилцахад төдийгүй, эргэн тойрныхоо хүмүүст таниулан ойлголцоход хэрэгтэй нийгмийн чухал бүтээл юм. Прехт философичид болон тархи судлаачдын сонирхолтой өрсөлдөөн, харилцан сурах явцыг нарийн судалж, олон хүмүүстэй ярилцсаны эцэст уг номоо бичсэн бөгөөд тэдний ээдрээтэй хамтын ажиллагааг хүмүүст хүргэхийг хичээн уг номоо маш олон энгийн сэдвээр баяжуулан бичсэн нь уншигч танд шинэ мэдлэг нэмж, эрэгцүүлэх олон асуултыг үлдээнэ.