Иван Ильичийн үхэл



АНГИЛАЛ
Сонгодог уран зохиол
ХУДАЛДААНД
2015
Нэгдүгээр сар 1
БҮТЭЭЛИЙН ХЭЛ
MON
Монгол
НҮҮРНИЙ ТОО
112
Нүүр
ISBN-13
9789997311962
ХЭМЖЭЭС
180 x 115 x 7 мм

Зохиолчийн бусад номууд


Ихэвчлэн хамт авдаг

Дээрх бүтээлийг авсан хэрэглэгчид ихэвчлэн эдгээрийг хамтад нь авдаг.

Санал болгох


Танилцуулга

Иван Ильичийн үхэл туужийг агуу Л.Н.Толстой 1882 оноос 1886 оны хооронд бичжээ. Энэхүү туужид шүүхийн прокурор эрхмийн зовлонт үхлийн тухай хүүрнэдэг. Уг туужийг 'ер бусын уян хатан дүрслэл, гүн гүнзгий үнэн, ямар нэг болзмол байдал, нэмэр хачиргүйгээрээ Оросын утга зохиолын түүхэнд гарсан хосгүй үзэгдэл мөн бөгөөд уран яруу бүтээлийн реалист шинж, үнэн зөвийг баримтлагч чанарын ялалт, мандалт гэж тооцвол зохино” хэмээн 1888 онд утга зохиол судлаач А.Лисовский Русское богатство 'Оросын баялаг' сэтгүүлд бичжээ. Энэхүү бүтээл Л.Н.Толстойн бусад бүтээлүүдийн нэгэн адилаар дэлхийд алдартай бөгөөд богино зохиолын төрөлд маш өндрөөр үнэлэгддэг юм. Туужийн эхэнд Иван Ильичийн үхлийн тухай ажлын хамтрагчид нь дуулах бөгөөд хөөрхий түүний үхэлд гашуудах хүн үл олдоно. Тэрний оронд хүн бүр дор бүрээ албан тушаалын ашиг сонжоо юу билээ хэмээн сэтгэнэ. Бүх зүйл яг л шүүх дээр нь болдгийн адилаар өрнөнө. Шүүх дээр тэрээр шүүгдэгчийн өмнө ямар төрх гаргадаг билээ, яг л тийм байдлыг алдартай эмч түүнд үзүүлээдхэв. Эмч гуай ярьсаар: ийм тийм шинж харагдаж байна л гэнэ, таны дотор тийм болж л гэнэ, тийм тийм шинжилгээний дүнд энэ хэрвээ батлагдахгүй бол таныг тэгсэн тэгсэн байна гэж үзэх хэрэгтэй л гэнэ. Энэ бүгд Иван Ильич өөрөө шүүгдэгч дээр хээнцэр чамин маягаар мянган удаа хийж байсан тэр үйлдэлтэй яг адил аж. “Магадгүй би зохих ёсоор нь амьдраагүй ч юм бил үү? Гэвч бүгдийг зүй ёсоор нь хийсэн байхад яаж тийм байх вэ?” хэмээн Иван Ильич үхлээ хүлээн орь ганцаар өвчиндөө шаналан хэвтэхдээ өөрөөсөө асууна.

Үзүүлэлт

ISBN-139789997311962
Худалдаанд гарсан огноо2015-01-01
ФорматЗөөлөн хавтастай
Нүүрний тоо112 нүүр
Эрхлэн гаргасанМонсудар хэвлэлийн газар
Бүтээлийн хэлМонгол
Жин100 гр
Хэмжээс180 x 115 x 7 мм

Зохиолчийн талаар

Оросын нэрт зохиолч Л.Н.Толстой 1828 оны 9-р сарын 9-нд Тула мужийн Ясная Поляна хэмээх газар төржээ. Тэрээр 1844 онд Казаны их сургуульд элсэн орж, хууль, дорно дахины хэл шинжлэл судлах болсон хэдий ч "сурах чадваргүй бөгөөд хүсэл эрмэлзлэлгүй" хэмээн багш нартаа гадуурхагдах болсон тул сургуулиа хаяжээ. 1851 онд мөрийтэй тоглоом тоглон, асар их өрөнд орсныхоо дараа цэргийн албанд татагдсан бөгөөд чухам энэ үеэс зохиол бичиж эхэлсэн юм. 

Түүний уран бүтээлийн эхэн үеийн алдартай зохиол нь Бага нас (1852), Өсвөр нас (1854), Залуу үе (1857) хэмээх гурамсан роман юм. Түүний зохиолуудаас XIX зууны Оросын язгууртнууд, Наполеоны дайны үеийн гурван гэр бүлийн амьдралыг харуулдаг Дайн ба энх (1868), эр нөхрөөсөө хайр сэтгэлийн аз жаргалыг амсаагүйн улмаас өөр хүнд дурлаж, гэр бүлээ сарниулаад, өөрийг нь үзэн ядсан нийгмийн гадуурхалтыг тэвчиж чадалгүй амиа хорлосон бүсгүйн эмгэнэлт хувь заяаг үзүүлсэн Анна Каренина (1875-1877) романууд нь дэлхийн утга зохиолын сор бүтээлүүдийн тоонд зүй ёсоор тооцогддог. Л.Н.Толстой 1960-аад оны эхээр Европын орнуудаар аялж байхдаа Шоовдор хүмүүс зохиолыг нь уншин, агуу их авьяасыг нь шүтэн биширч явсан Францын нэрт зохиолч Виктор Хюготой уулзсан нь түүний утга зохиолын болоод улс төрийн талаарх үзэл бодолд ихээхэн нөлөө үзүүлсэн бөгөөд Дайн ба энх романд нь Хюгогийн нөлөө илүү их илэрсэн байдаг. Түүнчлэн Миний наманчлал (1884), Иван Ильичийн үхэл (1886), Загалмайт сонат (1891), Сэхээрэл (1899) зэрэг олон өгүүллэг, тууж, роман бичсэн билээ. 

Түүний бүтээлийн өв 100 шахам ботиор тоологддог бөгөөд Бурхны хаанчлал таны дотор бий бүтээлийнх нь хүмүүст үзүүлсэн нөлөөг Махатма Ганди болон Мартин Лютер Кингтэй зүйрлэж болно. Лев Толстой нас дээр гарч өвгөн болсон хойноо эхнэр Софиягаасаа салжээ. Гэвч 48 жилийг хамтдаа туулсан авхайд түүнгүйгээр амьдарна гэдэг санаанд нь багтахгүй байсан бололтой. Амиа хорлох гэж нэгэн цөөрөм рүү үсрэн ортол хүмүүс амжиж амийг нь аварч байсан түүхтэй. Толстой үүнийг сонсоод баахан уйлсан боловч буцаад эхнэртэйгээ суугаагүй юм гэдэг. Удалгүй Толстой Астапово галт тэрэгний буудал дээр 1910 онд 82 настайдаа өөд болжээ.


Хэрэглэгчийн сэтгэгдэл

0.0 үнэлгээтэй
Нийт 0 сэтгэгдэл

Сэтгэгдэл үлдээх

Бусад үйлчлүүлэгчидтэй санал бодлоо хуваалцаарай
Та сэтгэгдэл бичихийн тулд нэвтэрсэн байх ёстой. Нэвтрэх

Хэрэглэгчийн сэтгэгдэл байхгүй