Энэхүү Пушкины үлгэрүүд номонд Руслан Людмила хоёр, Ах дүү долоон баатар, Атаархалд өртсөн нэгэн гүнжийн үлгэр, Салтан хааны үлгэр, Алтан залаат азарган тахиа, Алтан загасны үлгэр, Харамч ламтан Харц Балда хоёр зэрэг үлгэрүүд багтсан байна. Пушкины үлгэрүүдээс: «Руслан Людмила хоёр» найраглалаас... Тэнгис далайн нэгэн тохойд Тэнгэр тулсан царс буй. Аварга тэр царс модон дээр Алтан гинж зүүлттэй байдаг гэнэ. Эрдэмт муур өдөржин шөнөжин Ийш тийшээ дураар явж Алтан гинжээр дүүлэн аялж Баруунтаа очиж дуу дуулан Зүүнтээ хүрч үлгэр хүүрнэдэг гэнэ. Мөчир дээр суусан лусын дагина Мөн ч аймшигтай ойн савдаг, Явж үзээгүй зөрөг зам Янз янзын олон амьтан, Хаалга ч үгүй цонх ч үгүй Тахиан хөлт байшин, Хаанахын хэний ч үзээгүй Хачин гайхалтай юм олон. Тэндхийн ой, хөндий Тэр аяараа сонин хачнаар дүүрэн гэнэ. Тэнгисийн ус үүрээр давалгаалж Үзэсгэлэнт хан хүү тэргүүтэй Ах дүү гучин баатар эр Ар араасаа гарч ирдэг гэнэ.