Хүмүүн төрөлхтөн өөр хоорондоо арьс өнгө, үндэс угсаа, хэл яриа, шашин шүтлэг ангид ч хувь тавилан нэгтэй, хүснэ мөрөөднө, жаргана зовно дээр нь шүтэх, эс шүтэх эрх дархыг чөлөөт нийгэм хуулиар баталгаажуулан байх агаад чухам юуг шүтэх юмуу ямар шашныг дагах нь бидний дурын хэрэг. Соёлт ертөнцийн ихэнх хүмүүс дэлхийд түгсэн голлох гурван төрлийн шашиныг шүтдэг бол Монголчууд хийгээд Азийн эртний нүүдэлчид л мөнх тэнгэрийн хүчнийг соён шүтсээр ирсэн уламжлалтай. Зохиогч маань Бурхан ч бай, Буг ч бай, бас бус хэн ч бай тэдний дээр, бүр цаана нь ганц мөнх тэнгэр оршдог түүнийг л монголчууд шүтэх хувьтай гэдэгт ухаарч сэтгэл дүүрэн явдаг нэгэн.