Энэ номд Л.Болдын сайдаар ажиллах үед яам цэргийнхэнтэй хамтран хийж бүтээсэн ажил үйлс, гадаад дотоод айлчлал, хэлсэн үг, тавьсан зорилт, Сайдын зөвлөлийн хуралдаанаас гаргасан шийдвэрүүдийг он цагийн дарааллаар тухай цаг үед “Соёмбо” сонин болон бусад сонины хуудас, Батлан хамгаалахын төв архивын сан хөмрөгт хадгалагдаж байгаагаас авч оруулав. Л.Болд 2008-2012 онд Батлан хамгаалахын сайдаар ажиллахдаа батлан хамгаалах салбарын эрх зүйн орчныг боловсронгуй болгох, Зэвсэгт хүчний шинэчлэлийг эрчимжүүлэх, цэргийн алба хаагчдын нийгмийн баталгааг сайжруулах, иргэн - цэргийн харилцааг хөгжүүлж, салбарын гадаад хамтын ажиллагааг тэлсэн үр дүнтэй ажлууд хийснийг тухайн цаг үед ажил хариуцаж байсан хүмүүс болон батлан хамгаалах салбарын мэргэжилтнүүдийн үнэлэлт дүгнэлт, бодол сэтгэлгээгээр баяжуулснаар ач холбогдолтой юм.