Уншигч таны өмнө дэлгэн буй Дандарын Гонгор гуайн бүтээсэн энэхүү ес дэх ном түүний үзэж туулсан амьдралдаа харсан, ажигласан, тогтоосон зүйлийн нэгээхэн хэсэг, түүнийгээ сийрүүлэн буулгасан цээжний бүтээл юм. Өнөөгийн хөгжлийн өндөр төвшинд хүрсэн хүн төрөлхтөний эрүүл ахуйд хэрэг болох чухаг зүйлс бидний нүүдлийн аж ахуйд буйг хүн ажиглаад нээснийг бид зөвхөн шагшин суух бус, бэлэн буйгаа боловсруулаад хэрэглээд явбал өөрийн биед тустай төдтийгүй улс орны эдийн засагт нэмэр болно гэдэг санаа энэ жаахан номд нэвт шингээстэй бий. Түүний зэрэгцээ ажил хөдөлмөр хийхийн хамт шимт, баяр бахдал, үндэс язгуурынхаа төлөө уйгагүй зүтгэж яваа үнэнч нөхрөө түшсэн сэтгэлээс оргилон гарсан итгэлийн бадрангуй үнэн үгсийг эндээс та олж уншаарай. Товчхондоо 'мэдэхгүйн мянган балай, мэдэхийн түмэн урам' хоёрыг энэ номоос нэгэн зэрэг амссанаа нуух юун.