Утга зохиолын цувралын 43 дахь бүтээл Имре Кертиесийн “Хувьгүй төрөгсөд” (Унгар зохиолын нэр нь “Sorstalanság”, англи нь “Fateless”) роман нь хараахан насанд хүрч амжаагүй жаал хүү Германы Аущвицын хорих лагерьд хэрхэн хоригдож, хүнд хэцүү цагийг даван туулж амьд гарч буй тухай сонирхолтой бүтээл билээ. Арван таван настай хүү түүхийн гэрч болж, амьдарч байгаа цаг хугацаагаа өөрийн мэдэрснээрээ дүрслэн, үнэлэлт дүгнэлт хийж байгаа нь уншигчдын анхаарлыг ихээхэн татах биз ээ. Унгарын зохиолч Имре Киртиес түүхийн харгис хэрцгий, дарангуйллын эсрэг хувь хүний эмзэг туршлагыг дэлгэн өгүүлснээрээ 2002 онд энэхүү бүтээлээрээ Нобелийн шагнал хүртсэн юм.