Нью Йорк Таймс сонины бэстеллер, дэлхий дахинаа шуугиан тарьсан Сапиенс: Хүн төрөлхтөний товч түүх номын зохиогч Юваль Ной Харари өмнөхтэйгөө дүйцэхүйц цоо шинэ, няцаашгүй, бодолд автуулам энэхүү бүтээлээрээ хүн төрөлхтөний ирээдүй рүү, хүнийг бурхан болгон хувиргах гэсэн бидний хүсэл тэмүүлэл рүү анхаарлаа хандуулжээ.

Тэрээр номын эхний хэсэгт Homo Sapiens хэрхэн бусад амьтдаас ялгарч, дэлхийд ноёрхлоо тогтоосон тухай, өөрсдийн үйлдэлд учир шалтгаан, мөн хэрхэн зохицон хамтарч ,ажиллаж чаддаг болсноор хөгжин дэвжсэн тухай өгүүлнэ. Түүхийн туршид хүн төрөлхтөн өлсгөлөн, халдварт өвчин, дайн гэсэн гурван давагдашгүй хүчин зүйлд сөхөрдөг байсан бол одоо даван гарсан хэмээн тодорхойлсон байна.

Харин ирээдүйн тухай өгүүлсэн хэсэгтээ Др. Харари маш хийсвэр гэж хэлж болохуйц тун зоригтой таамаглалуудыг дэвшүүлжээ. Өнгөрсөн цагт бурханд шүтэж ирсэн хүн төрөлхтний шашин нь өдгөө Humanism буюу хүн төвт үзэл болоод буй. Тэгвэл энэ үзэл, шашин нь ирээдүйд хүн төрөлхтнийг гурван зүйлд тэмүүлэхэд нөлөөлөх болно гэжээ:

1. Мөнх настай болох

2. Аз жаргалаа нэмэгдүүлэх

3. Бурханлиг оршихуйд хүрэх