Энэхүү нэг сэдэвт бүтээлд дэлхийн дулаарлаас шалтгаалах монгол орны уур амьсгалын өөрчлөлтийн экосистемд үзүүлэх нөлөөллийн механизм, хэлбэр, хамрах хүрээг сүүлийн үеийн судалгаанд тулгуурлан 6 үндсэн ангид хувааж үзсэн байна. Үүнд хамгийн гол нь орчин үеийн дулаарал, хуурайшил гол үүрэгтэй байна гэсэн дүгнэлт хийжээ. Энэ үндсэн дээр уур амьсгалын өөрчлөлтөөс шалтгаалах байгалийн бүсийн өөрчлөлтийг тооцохдоо температурын нөлөөллийн функц, ууршилын нөлөөллийн фактор гэсэн 2 гол хувьсах хэмжигдэхүүнээр илэрхийлэгдэх экосистемийн доторх идэш тэжээлийн гинжин холбооны анхдагч болох ургамлын байдлыг илэрхийлэх индексийн томьёог гаргаж авсан байна. Энэхүү ургамлын байдлыг илэрхийлэх индексийн томьёог термодинамик фазын хувиралын тэгштгэлтэй аналоги хэлбэрт шилжүүлж, ой, хээр, цөлийн бүсийг экосистемийн фазын төлөвүүд гэж үзэн эдгээрийг фазын хувиралын аналоги тэгштгэлээр илэрхийлэх оролдлого хийсэн нь онолын хувьд шинэлэг, экосистемийн хувьсал, өөрчлөлтөнд шугаман бус динамикийн үүднээс дүгнэлт өгөх боломжийг бий болгожээ.