Ах дүү хоёр малын зүчээнд тоглодог байлаа. Тэднийх саглагар ургасан туулайн бөөрний мод бүхий цэцэрлэгтэй хашаагаар хүрээлэгдсэн айл байв. Тэд ээжийгээ Станбул явсан хойгуур Дадарухын дэргэдээс салахаа болив. Дадарух бол тэдний агтач болох хөгшин эр юм. Дадарухтай хамт морьдоо зайдан унаж тэднийг услахаар гол руу явах нь тэдэнд үнэхээр зугаатай ажил байв. Тэд агтны зүчээг цэвэрлэн, өтөг хомоолыг малтана. Морьдийг ч мөн арчилж угаана. Удалгүй морины хөлсийг хусаж арчлахаас бусад бүх ажлыг хийж чаддаг болов. Нэгэн өдөр ахад нь морины хөлс хусах хүсэл төрөөд, хусуур хайсан боловч олсонгүй. Ингээд зүчээний нэг буланд байдаг Дадарухын амьдардаг өрөөнд орж хусуур хайж эхлэв. Ашгүй нэг хусуур олоод зүчээний зүг гүйлээ...