"Лотте Луизе хоёр" хэмээх энэхүү зохиолыг 1949 онд Германы зохиолч Эрих Кестнер туурвижээ. 1950 онд анх Герман хэл дээр бүрэн хэмжээний уран сайхны кино болж гарсан бол дараа нь Энэтхэг, Япон, Солонгос, Литва, Перс, Америк, Польш, Мексик, Бразил болон Англид дэлгэцийн бүтээл болгон туурвиж байсан аж. Ингээд нийт 21 удаа кино, нэг удаа шоу нэвтрүүлэг болон хүүхэлдэйн кино болж олноо хүрч байв. Үүгээрээ энэхүү ном нь орон орны хүүхэд гэлтгүй нас насны хүмүүсийн хайртай зохиол болж чадсан билээ.