Монгол Улсын гавьяат багш, боловсрол судлалын доктор, дэд профессор, МУИС-ийн ахмад багш Ноокоогийн Оюунцэцэгийн багш, “оюутан багш”, сургуулийн удирдлага, боловсролын салбарын мэргэжилтэн, судлаачид болон бодлого боловсруулагчид, шийдвэр гаргагчдад зориулсан “21 дүгээр зууны боловсрол: Насан туршийн суралцахуй” (онолоос практикт, багшлахуйгаас суралцахуйд)нэртэй 3 боть номын эхний боть Та бүхний гар дээр очиж байна.

Уг номд боломж, сорилтуудын аль алинаар нь дүүрэн хувьсамтгай, тодорхойгүй, урьдчилан таамаглах аргагүй, ээдрээтэй, олон харилцаа хамааралтай, эргэлзээтэй, өөр өөр төрлийн сорилт, хариу үйлдэл шаарддаг дэлхий ертөнцийн хувиран өөрчлөгдөж буй шинэ зууны боловсролын тэргүүлэх үзэл санаа болох насан туршийн суралцахуйн онол, арга зүй, үнэлгээ, тэдгээрийн практик арга замыг тодорхой жишээн дээр харуулсан байна.

2023 онд хэвлэгдсэн номын боть I-д:

21 дүгээр зууны боловсролын өөрчлөлтийн чиг хандлага;шинэ үзэл санаа, боловсролын онол;боловсролын чанар ба 21 дүгээр зууны суралцахуйн онол; сургалтын хөтөлбөрийн онол, арга зүй;суралцахуйн арга зүй, загвар;үнэлгээний арга зүйн талаар авч үзжээ.

2024 онд хэвлэгдэн гарах номын боть II-д:

21 дүгээр зууны хичээлийн соёл: Шинэ зууны багшийн үнэт зүйл, компетенци, багшийн хөгжлийн загвар; cуралцахуйн стратеги, сурган хүмүүжүүлэх арга техник; хичээлийн соёлын хөгжил, хичээл төлөвлөх арга зүй; хичээлийн судалгааны арга зүй болон шинэ зууны сургууль, сургуулийн үнэт зүйл, соёл, менежментийн арга ухааныг жишээ баримтаар танилцуулна.

2024 онд хэвлэгдэн гарах номын боть III-д:

21 дүгээр зууны хичээлийн чанар: Хичээлийн арга хэрэгсэл; үнэлгээний арга хэрэгсэл; xичээлийн төлөвлөгөөний загвар зэрэг анги таним дахь болох цахим хичээлийн арга, техникийг танилцуулна.