"Зайлшгүй үед холбогдох хүний нэр Залгах утас, гэрийн хаяг дээр Зайлуул чинийхээ нэрийг бичсэн" залуу эдгээр мөрүүдээрээ маш нийтлэг тохиолдох боловч зөвхөн тэр л анзаарч мэдрэх хосгүй туршлага бүтээгчийн нийтлэг бус зам мөр гаргаж "Үслэг эдлэлийн дэлгүүрт яваа юм шиг жихүүн өдрүүдэд Үнэ нь тэнгэрээс бууж яваа хуучин хувцасны дэлгүүрээс охиндоо худалдаж авсан дулаахан хүрэм шиг шинэ өдрийг" бүтээх аж. Тэр гэрэл зураг дээр ганцаар инээмсэглэх хүнийг анзаарч, амьсгал тавьж буй салхи юу хэлчхэв хэмээн Товуусүрэнгийн АМАР-АМГАЛАН чагнахаараа бичжээ. Эрт багадаа дүүгүүрийн чулуугаар хургаа өвтгөснөө хавар ирэхэд гэмшин санаж, хаа сайгүй орших гэгээн ахуйг мэдэрчээ.