Хүн төрөлхтөн бүтээмж, ур чадвараа ахиулах зорилгоор тархины бүтэц, үйл ажиллагааг маш ихээр сонирхон судалж ирсэн. Тархи судлал эрчтэй хөгжсөн цагаас эхлэн тархи нь аз жаргалтай холбогддог болохыг мэдэж авсан. Биднийг баяр хөөртөй, урам зоригоор дүүрэн, эсвэл тайван амар, сэтгэл дүүрэн байх, хайр халамжийг мэдрэх гээд үйл явцын цаана тархинд аз жаргалын нейротрансмиттерүүд (молекулууд) мэдрэлийн эсээс ялгарч байдаг. Нейротрансмиттер гэдэг нь биед дааврын адил үүрэг гүйцэтгэдэг химийн молекулууд. Ойролцоогоор 100 гаруй төрлийн молекулууд бий. Эдгээр даавар төст бодисуудын гол үүрэг нь мэдээллийг мэдрэлийн эсээс (neuron) хүлээн авагч эд эсрүү (receptor) дамжуулж бие махбодийн дотоод зохицуулгыг удирдах гэж ойлгож болно. Зүйрлэж хэлбэл Засгийн Газар шиг үүргийг хариуцдаг. Тархинд үүссэн мэдээлэл хэр хурдан идэвхитэй эсвэл эсрэгээрээ хэт удаан дамжих нь эдгээр молекулуудаас хамаатай. Аз жаргалын молекуулуудын зохицуулагч буюу ерөнхий сайд нь тархи. Харин аз жаргалыг бусинуулдаг зүйл нь Стресс. Стресс үүсэх үед бие махбодын дархлаа тогтолцоо, мэдрэлийн тогтолцоо, дотоод шүүрлийн тогтолцоо, хоол боловсруулах тогтолцоонууд хямардаг. Эдгээр 4 үндсэн тогтолцооны хямрал таныг сүйрэлд орсон онгоц шиг л болгож орхидог. Стрессийн үед үүсэх кортизол даавар бол сүүрлийн удирагч. Кортизол даавар яг л хаан шиг захирхыг оролддог. Кортизол дааврын хаанчлалд захирагдахгүйн тулд ангижрах аргуудыг мэдэх нь тустай.