Цуврал дахь бусад номууд
Зохиолчийн бусад номууд
Ихэвчлэн хамт авдаг
Санал болгох
Танилцуулга
Долоон ханлигийн хувь заяа дээсэн дөрөөн дээр иржээ. Хааны газарт Эрх баригч хатан Серсей Ланнистер итгэл хүлээсэн бүх хүндээ хаягдан, шүүх хурлаа хүлээх зуур, түүний дүү Тирион дорно зүгийн Юнкай хотод боол болж бусдад худалдаалагдана. Станнис Баратеон Винтерфелл дахь Болтоныхонтой тулалдахаар өөрийн гэргий, улаан удган Мелисандра хоёрыг Жон Сноугийн хамгаалалтад орхин, Ханан дээрээс өмнө зүг хөдөлнө. Гэвч Хананы цаана зэрлэгүүдийн арми дайрч довтлохоор хуралдах аж...
Гашуун зөрчил, мөргөлдөөнүүд гал авалцан дүрэлзэхэд дээрэмчин, санваартан, цэрэг, арьсаа солигч, язгууртан, боолууд энэ бүгдэд оролцоно. Хувь заяаны давалгаа тэднийг хамгийн агуу бүжиг рүү эргэлт буцалтгүй хөтлөх ажээ.
Үзүүлэлт
- ISBN-13 : 9789919515034
- Худалдаанд гарсан огноо : 2022-04-01
- Формат : Цахим ном
- Нүүрний тоо : 392 нүүр
- Эрхлэн гаргасан : Монсудар хэвлэлийн газар
- Бүтээлийн хэл : Монгол
- Файлын хэмжээ : 4.3 MB
| ISBN-13 | 9789919515034 |
|---|---|
| Худалдаанд гарсан огноо | 2022-04-01 |
| Формат | Цахим ном |
| Нүүрний тоо | 392 нүүр |
| Эрхлэн гаргасан | Монсудар хэвлэлийн газар |
| Бүтээлийн хэл | Монгол |
| Файлын хэмжээ | 4.3 MB |
Зохиолчийн талаар
Жорж Рэймонд Ричард Мартин нь 1948 оны 9-р сарын 20-ны өдөр Нью-Жерси мужийн Байонд төржээ. Тэрбээр Мэри Жэйн Донахюгийн дунд сургууль ба Маристын ахлах сургуульд тус тус суралцжээ. Мартин бага залуу наснаасаа бичиж туурвиж эхэлсэн бөгөөд хөршийнхөө хүүхдүүдэд мангасын тухай элдэв түүхийг хэдэн задгай мөнгөөр бичиж өгөхөөс гадна урнаар жүжигчлэн уншиж өгдөг байв. Улмаар ахлах сургуульдаа комик номын хорхойтон, цуглуулагч болж, сонирхогчдын комик сэтгүүлд өгүүлэл нийтлүүлэх боллоо.
Мартин 1970 онд Иллинойс мужийн Эванстон хотын Нортвестерн их сургуулийг сэтгүүлчийн мэргэжлээр онц дүнтэй төгсөж, магистрын зэрэг хамгаалсан байна. 1970 оноос шинжлэх ухааны уран зөгнөлт богино өгүүллэгийг мэргэжлийн түвшинд бичдэг болсон бөгөөд анхныхаа Баатар нэртэй өгүүллэгийг Галакси сэтгүүлд зарсан ба үүнээс хойш өгүүллэгүүдээ сэтгүүлүүдэд худалдаж эхэлжээ. Шинжлэх ухааны уран зөгнөлт, аймшигт, адал явдалт төрлийн зохиол бичдэг тэрбээр Гал мөсний дуун хэмээх 7 цуврал роман, Нууцлаг баатар, Үнэнч илд зэрэг тууж, Элсний хаад, Талийгаачдын дуун, Түүний хүүхдүүдийн хөрөг зэрэг богино өгүүллэгийн түүвэр хэвлүүлсний дотор Гал мөсний дуун хэмээх цуврал ном нь уншигчдын сэтгэл зүрхийг байлдан дагуулж, бестселлер болсон бөгөөд HBO телевиз энэхүү зохиолоор 'Хаан ширээний тоглоом' нэртэй олон ангит кино бүтээсэн билээ.
Тайм сэтгүүлээс түүнийг Америкийн Толкейн хэмээн өргөмжилсөн бөгөөд 2011 онд 'Дэлхийн нөлөө бүхий 100 хүмүүсийн жагсаалт'-д оруулжээ.
Хэрэглэгчийн сэтгэгдэл
Сэтгэгдэл үлдээх
Хэрэглэгчийн сэтгэгдэл байхгүй