Зохиогч Шэнь Эньминь хар багаасаа зураг зурах дуртай хүүхэд байв. Том болоод хүсэл сонирхолдоо хөтлөгдөн график дизайны компанидаа орж ажилласан ба улмаар зураг дизайны чиглэлийн томоохон платформуудад өөрийн бүтээлээ таниулан борлуулж амжилтын өндөрлөгт хүрсэн ч..., нэг л өдөр харандаа, цаас барин зургаа зурах сэтгэлийн хүчгүй болох нь тэр.
Ямар нэг зүйлээс халширсандаа зугтаах гэж, аль эсвэл шинээр эрэл хайгуул хийх гэснийх ч юм уу тэрээр ууланд тогтмол авирах болов.
Тэр олон олон сайн дурын байгаль хамгаалах аян, үйл ажиллагаанд идэвхийлэн гар бие оролцож, өөрийн гараар байгальдаа хувь нэмэр оруулахын амтыг мэдэрч, өндөр ууланд бэрхшээл, сорилттой ч тулгарч үзэв. Эх орныхоо эгэл жирийн үй олон уул амьтай, байгальд элэгтэй хүмүүстэй уулзаж учран, харилцан суралцаж, хамтран зүтгэж, шинийг төлөвлөж, байгаль эхийн төлөө хийсэн багахан ч гэсэн хувь нэмрээсээ эрч хүчээ сэлбэн хамтдаа урагшлах нь юунаас ч илүү үнэ цэнтэй юм.
Олон давтамжтай ууланд ирэхийн хэрээр илүү их төвлөрч, илүү их дотоод сэтгэлээ чагнан, илүү олон түүх хуучийг сонссоноор өнгөрсөн болон ирээдүйн талаар шинээр эргэцүүлэн, гадаадын улс оронд сурч боловсроогүй гэж биеэ голдог байсан бол эх нутагтаа, энэ хөрсөн дээрээ суралцах нь юу юунаас чухал байсныг ухаарч өөрийгөө шинээр нээсэн.