Японы зохиолч Рю Мүраками 24 насандаа анхны бүтээл болгон "Бараг л нэвт харагдах цэнхэр" романаа бичсэн. Рю Мүраками бол орчин үеийн өндөр хөгжилтэй японы өндийн босох чухал цаг үе болох 1980-иад оноос гол бүтээлүүдээ туурвиж эхэлсэн, хүнжсэн, харгис, огт өөр японыг зохиол бүтээлүүддээ нээн харуулдаг орчин цагийн хамгийн нөлөө бүхий, хүчирхэг зохиолчийн нэг юм. "Бараг л нэвт харагдах цэнхэр" роман америкийн цэргийн бааз дагасан японы жижиг хотын хэсэг залуусын мансуурал, секс, рок хөгжмөөр холбогдож буй назгай, чөлөөтэй амьдралын хэв маягийг тун цочир, хэрцгий байдлаар үзүүлснээрээ туйлын маргаантай, хүчирхэг бүтээлд тооцогддог. Рю Мүраками эл бүтээлээрээ 1976 онд японы утга зохиолын дээд шагнал болох Акутагавагийн нэрэмжит шагналыг хүртсэн юм.