Орчуулга гэдэг бол нэг хэлээр илэрхийлснийг нөгөө хэл рүү утгын хамаарлыг алдагдуулахгүйгээр ур хийц, янз донжийг нь олж буулгахыг хэлнэ. Номын гол сэдэв бол орчуулга хийгээд найруулга зүй. Номын зохиогч орчуулгыг ерөнхийд нь зүйр үг, онч мэргэн үгсийн, энгийн үг хэллэгийн, өвөрмөц хэлцийн, утга зохиолын гэсэн үндсэн дөрвөн хэсэгт, утга зохиолын орчуулгыг үргэлжилсэн үгийн, шүлэглэсэн зохиолын гэж тус бүр ангилаад, хэсэг тус бүрийг англиас монгол руу хийх, монголоос англи руу хийх орчуулга хэмээн авч үзжээ. Мөн жишээ тайлбаруудад хэлзүйн янз бүрийн хэлбэржилтүүдийг өргөнөөр хамруулсан бөгөөд тухай бүрт нь онол, дадлагыг хослуулан оруулсан байна. Та тайлбар хийгээд орчуулгуудыг нь үзэлгүйгээр англи өгүүлбэрүүдээ эхэлж уншаад, юу гэсэн үг болохыг нь ойлгохыг хичээж, монголоор хэрхэн гоё сайхан илэрхийлж болохыг тунгааж үзээрэй. Тэгж чадвал онол, дадлыг хослуулсан жинхэнэ бүтээлч сургууль болно.