Ерөнхий боловсролын сургуулийг 11 жилийн тогтолцоонд шилжүүлж, улмаар 12 жилийн тогтолцоонд шилжих бэлтгэлийг хангах, сургуульд түшиглэсэн шинэчлэлийг хэрэгжүүлэх, сургуулийг хүүхдэд ээлтэй сургууль болгох хөдөлгөөн өрнөж, хүүхэд залуучуудыг зөв төлөвшсөн иргэн болгон хүмүүжүүлэх зорилт хурцаар тавигдаж байгаа энэ цаг үед энэхүү гарын авлага манай багш, удирдах ажилтны ширээний ном байх болно. Боловсролын байгууллагын удирдах ажилтны ёс зүйн асуудал, удирдлагын зүгээс эцэг эх, асран хамгаалагчтай харилцах харьцаа, сургууль дахь шинэчлэлийг хөгжүүлэх, удирдлагыг үнэлэх зэрэг боловсролын удирдлагын амин чухал асуудлыг энд авч үзсэн байна.