0-6 насны хүүхдийн өсөх хөгжих нь эрчимжиж тэд бусдад нөлөөлж, бусдаас суралцаж эхэлдэг. Эцэг эхчүүд энэ насныхны зан чанарын сөрөг хандлагыг дараа нь том болохоор нь засчихна гэвэл алдаа болно. Хүүхдүүд сургуульд орохоороо хэцүү болдог гэх боловч тэдний энэ төвөгтөй, ээдрээтэй үеийг туулж төлөвшихөд томчууд бидний үлгэр дуурайл, үйл хөдлөл, зөв чиг хандлага хамгийн чухал. Наад заах нь эцэг эхчүүд хүүхэд бүр өөр хүн (ертөнц) гэдгийг ойлгож тэдэнд адил шаардлага тавьж болохгүйг ухаарах хэрэгтэй. Цус алдсан хүнд цус сэлбэх хэрэгтэй нь ерөнхийдөө зөв арга мөн боловч дурын цусаар сэлбэж болохгүйтэй адил хүүхэд бүрт тохирох аргыг хэрэглэх хэрэгтэй гэсэн үг юм. Энэ номын гол зорилго бол сургуулийн бага насныханд болон тэдний орчин, нийгмийн хүрээнд тохиолдох олон бэрхшээлтэй асуултад хариу өгөх улмаар эцэг эхчүүдэд энгийн амьдралын жишээгээр тайлбарлахыг хичээсэн явдал юм.