Номын эхний 'Үгзүй' бүлэгт герман хэлний нэр үг, төлөөний үг, үйл үг, ялгамж, хавсрал нэр, тооны нэр, үйл хавсрал, угтвар үг, холбоо үг, сул үг гэсэн үгсийн арван найман аймаг бүгдийг оруулж, тэдгээрийн хувилах, эс хувилах шинж чанар, ангилал, онцлог зэргийг жишээгээр тайлбарлан харуулсан бол, 'Өгүүлбэрзүй' хэмээх дэд бүлэгт өгүүлбэрийг тодорхойлж, түүний бүтэц, ангилал, онцлог шинжийг харуулж, тухай бүрд нь өдөр тутмын амьдралд аль болох ойр хэрэглэгдэх үг, өгүүлбэрүүдээр бататган жишээлсэн байна. Сурах бичгийн гуравдугаар бүлэгт цэг цэглэлийн талаар авч үзжээ. Цэг цэглэл бол аливаа бичвэрийг 'амь оруулагч' тэмдэг дохио бөгөөд нэг цэг, таслал буруу хэрэглэснээс болж тухайн өгүүлбэрийн утга огт өөр болох нь олонтаа байдаг.