Үлгэр бол аман зохиолын хамгийн түгээмэл онцгой төрөл юм. Монголын ард түмэн эрт цагаас хойш үлгэр домгийг ярьсаар өнөө үе хүртлээ хадгалж хамгаалж ирсэн билээ. Үлгэр сонсоогүй юмуу, үлгэр ярьдаггүй, мэддэггүй хүн гэж ховор бизээ. Улс орон болгон өөрийн гэсэн өв уламжлал, ёс заншил онцлогийг харуулсан орчин нөхцөлтэйгөө уялдаа холбоотой үлгэр домог туульстай байдаг. Энэ номонд Долоон бор оготно, Сургаалтай эцэг, Өнчин цагаан ботго, Зальтай бадарчин, Болдоггүй бор өвгөн, Могжоохон даагатай, Жогжоохон хүү, Цуутын цагаагч гүү, Царцаа намжил, Эрхий мэргэн, Морь хүний унаа болсон нь, Тэмээ үнсэнд хөрвөөх болсны учир, Худан хээрийн домог, Хүний ертөнц галтай болсон нь зэрэг Монгол ардын шилдэг 108 үлгэр, домог багтсан байна.