БНХАУ-д 1966-1976 оны хооронд явагдсан Соёлын Их Хувьсгалын үед Өвөр Монголчуудыг хэлмэгдүүлэн хядсан тухай ном. Тус номын зохиогч О.Цогт Соёлын хувьсгалын үед амьдарч, хэлмэгдэж байсан хүмүүсийн аман түүхийг судалгааны бүтээлүүдээр баяжуулсан. Ингэхдээ Өвөр Монголчуудыг хэлмэгдүүлэх болсон учир шалтгааны урьдач нөхцөл буюу Нармай Монгол улс байгуулахын төлөөх өвөрмонголчуудын тэмцэл, япончуудтай харилцаж байсан харилцаа зэргийг тодорхой өгүүлсэн. Соёлын хувьсгалаар зөвхөн эрүү шүүлтээр гэхэд л сая гаруй хүн тамлагдан үхсэн гэсэн тооцоо байдаг.