Сэтгүүлч Л.Нямготовын 1000 гаруй 3 мөрт бүхий сургаальтай, захиастай, ухаарал, энэрэл хайрласан ном та бүхний гар дээр очиж байна. Үг болоод утгыг ингэж хураана гэдэг маш хэцүү, төвөгтэй, заримдаа бараг боломжгүй мэт. Түүний гурван мөртүүд тэр чигээрээ ёс зүй. Бас гүн ухааны аясыг сайн шингээж чаджээ. Авах идэх, аливаад шунах, элдвээр залилах, худал хуурмаг зан гаргах, бэртэгчин зан авир, луйварчин завшигчдын нүүрийг улайлгасан зэрэг гүн санаатай шүлгүүд олныг бичсэн байна. Эгдүүтэй хошигнол ч байна. Энэ ном танд бодоогүй бодол, санаагүй санаа, ойлгоогүй зүйл, хэлье гэсэн ч хэлж амжаагүй үгийг тань хэлж чадна гэдэгт итгэлтэй байна.