1948 онд Ховд аймгийн Чандмань сумын нутаг Өргөн Ширэг хэмээх газар төрсөн. 1948-1951 онд Хоршоодын Төв Холбоонд бичиг хүргэгч, бичээч, 1951-1957 онд Монгол Гадаад худалдааны газарт бичиг хэргийн эрхлэгч, боловсон хүчний эрхлэгч, 1957-1959 онд Гадаад Худалдааны Яаманд бичиг хэргийн эрхлэгч, тоо бүртгэгч хийж байгаад 1960-1965 онд 'Москвагийн хөнгөн үйлдвэрийн технологийн дээд сургууль'-д сурч Арьс шир, үслэгийн үйлдвэрийн технологич-инженерийн мэрэгжлээр төгссөн ба'Худалдаа бэлтгэлийн яам'-ны түүхий эд бэлтгэлийн хэлтсийн ахлах мэргэжилтнээр 1965-1968 онд ажилласан болно. 1968 оноос Худалдааны Техникумд Түүхий эд бэлтгэлийн мэргэжлийн багш, Заах Аргын Нэгдлийн дарга, салбарын эрхлэгч, Намын үүрийн даргын сонгуульт ажлыг 12 жил хийж 1991 онд тэтгэвэртээ гарчээ. Техникумд багшилж байх хугацаандаа мэргэжлийн сургалтанд хэрэглэгдэх бүх сурах бичиг, гарын авлагыг орос хэлнээс орчуулан хэвлүүлж байсан. Үүнд : - 'Арьс шир бэлтгэл' 1970 он, УБ - 'Арьс ширний ажиллагааны аргачлал' 1970 он, УБ - 'Түүхий эд бэлтгэлийн эдийн засаг зохион байгуулалт'( Өөрийн зохиомжоор ) 1974 он, УБ - 'Бусад түүхий эд бэлтгэл' 1976 он, УБ - 'Ноос судлал' 1974 он, УБ - 'Түүхий эд бэлтгэл'1986 он, УБ - 'Бэлтгэлийн ажилтан нарт тусламж' 1965 он, УБ - 'Байгалийн зарим өгөөж' 1988 он, УБ зэрэг ном сурах бичгүүдийг хэвлэгдэх номын төлөвлөгөөнд тусгуулж, зохих дээд байгууллагуудаар хянуулан хэвлэн гаргаж сургалтын ажиллагаандаа ашиглаж байсан байна. Л.Базаррагчаагийн хөдөлмөр бүтээлийг төр засагаас үнэлж Худалдааны Тэргүүний ажилтан, Боловсролын Тэргүүний ажилтан, Хөдөлмөрийн хүндэт медаль, Алтан гадас одон, дөлмөрийн гавьяаны улаан тугийн одонгоор тус тус шагнагдаж байсан ба тэрээр ямагт тэргүүний хүмүүсийн эгнээнд багтаж 'Социалист худалдааны тэргүүний ажилтны улсын 2 ба 3 дугаар зөвлөгөөн', 'Намын анхан шатны байгууллагын нарийн бичгийн дарга нарын улсын бүсчилсэн зөвлөгөөн', 'Монголын багш нарын V ба VI их хурал', 'МАХН-ын XIX их хурал'-ын төлөөлөгчөөр тус тус сонгогдон оролцож байсан.