Тогтворшилтой хөгжлийн боловсролын үзэл санааг дээд боловсролын түвшинд аль болох ойрын хугацаанд түгээн дэлгэрүүлэхийг зөвлөмжилсөн 2009 оны Бонны тунхаглалын дагуу МУБИС нь 2009 онд 'Тогтворшилтой хөгжлийн боловсрол (ТХБ)'-ын туршилт судалгааны багийг байгуулан ажиллуулж эхэлжээ. Судалгааны баг төсөл хөтөлбөрийг хэрэгжүүлэх явцад суурь боловсролын болон багш бэлтгэх сургалтын хөтөлбөрт ТХБ-ын үзэл санааг тусгах ажлыг туршсаны зэрэгцээ ТХБ-ын зонхилох чиг хандлага сургалтын хөтөлбөрт интеграцилагдсан байдлыг илэрхийлэгч суурь үзүүлэлтүүдийг оновчлон боловсруулсан байна. Тус гарын авлага нь ТХБ-ын үзэл санаа, түүнийг Монголын уламжлалт соёлын үүднээс шинжихүй, нэг ертөнцийн хандлага нь ТХБ-ын үндэслэл болох нь, ТХБ-ын үзэл санааг хэрэгжүүлэх арга ажиллагааны нэгэн загвар хэмээх 3 бүлэг, дүгнэлт, ном зүй, хавсралт гэсэн хэсгүүдээс бүрдэнэ.