Хөгжил гэж юу, хөгжлийг яаж авчрах вэ? гэх мэт асуултуудад хариулсан онолын ном, бүтээл олон гарчээ. Энэ онолын бүтээлүүдийг залуу судлаач А.Бат-Оргил монголын уншигчдад системтэйгээр танилцуулж байна. Яг ингэж ойлгомжтой танилцуулсан ном урьд өмнө нь Монголд гарч байгаагүй. Тиймээс энэ ном бол анхдагч. Эрхэм уншигч авхай танд энэхүү номыг уншихыг зөвлөхийн ялдамд гурван гол зүйлийг онцолмоор байна. Үүнд: 1'. Эдийн засгийн хөгжлийн онол бүхэн өөрийн гэсэн онцлог давуу тал сул талтай байдаггэдгийг энэ номноос уншиж болно. 2'. Өнөөдөр аж үйлдвэрийн 3-р хувьсгалаас 4-р хувьсгал руу шилжиж байна. Ер нь аливаа үйлдвэрийн шинэ хувьсгал хүний бүтээмжинд том өөрчлөлт оруулдаг байна. 3'. Энэ олон онол дотроос миний хувьд эдийн засгийн суурь болох өмчийн асуудлыг тайлбарласан Эрнандо Де Сотогийн онолыг ихэд дэмждэг. Энэ онолуудад л ядуурал бууруулах ажлын байр бий болгох нууц бий.