Уг толь бичиг нь 'Нийгмийн тухай мэдлэг' хичээлийн цөм хөтөлбөр, 'Нийгмийн тухай мэдлэгийн тест'-ийн агуулгыг аль болхоор бүрэн хамарсан тайлбар толь болж буйгаараа онцлог юм. Энд нийгмийн хүрээний асуудлуудыг үндсэн зургаан бүлэгт хуваан үзэж, бүлэг тус бүрийн агуулгыг нь цагаан толгойн үсгийн дэс дарааллаар байрлуулсан байна. I бүлэг Нийгэм ба хүн (энэ бүлэгт хүн, нийгэм, нийгмийн социаль хүрээ), II бүлэг Танин мэдэхүйн онол (энэ бүлэгт танин мэдэхүйн онол сургаалууд, танин мэдэхүйн аргууд, ухамсар, нийгмийн ухамсрын хэлбэрүүд гэх мэт), III бүлэг Улс төр, IV бүлэг Эдийн засаг, V бүлэг Соёл, VI бүлэг Олон улсын харилцааны систем гэсэн үндсэн бүтэцтэйгээр асуудлуудыг тоймлон бичсэн болно. Уг толь бичгээс оюутан, сурагчид сонирхсон нэр томьёо, ойлголт ухагдахууныг богино хугацаанд олж ашиглах, бие дааж мэдлэгээ дээшлүүлэх, гүнзгийрүүлэх, бүрхэг бүдэг ойлголтоо тодруулан бататгах замаар нийгмийн ухааны боловсролоо дээшлүүлэхэд чухал ач холбогдолтой юм.