Тайваны нэрт зохиолч хатагтай Чюн Яо 1938 онд Чэнду хотноо төрсөн бөгөөд хожим эцэг эхийгээ дагалдан Тайванд очин суурьшжээ. 1963 онд өөрийн «Цонхны цаана» нэрт романаа хэвлүүлж уншигчдын талархлыг хүлээснээс хойш өдгөө болтол нийт тавин хэдэн цуврал роман хэвлүүлээд байгаагийн хамгийн отгон нь манай үзэгчдийн сайн танил «Хуаньжу гэг» билээ. Түүний зохиол бүтээлүүд зөвхөн Тайвань төдийгүй БНХАУ, Гонконг, Макао болон хятад цагаачид олноор суурьшдаг дэлхийн өнцөг булан бүрт маш их нөлөөтэй байдаг тул «Хятад хүн суурьшсан газар бүхэнд Чюн Яогийн бүтээлүүдийг уншиж болно» гэсэн үг хуртэл дэлгэрсэн ажээ. Чюн Яогийн бүтээлүүд хүний сэтгэлийг хөдөлгөм хурц содон агуулга, үйл явдлыг гол болгосон байдаг тул бүхий л насны уншигчдыг татах увдистай байдгаараа онцлог юм.