Өнөөдөр уран зохиолын орчуулга хийдэг хүн цөөн болжээ. Уншигч таны гарт очиж буй энэ ном үнэхээр олон жил үгүйлэгдсэн, цагаа олсон бүтээл болсон гэж хэлмээр байна. Монголын орчуулагчдын эвлэлээс зарласан утга зохиолын орчуулгын шилдэг дуун хөрвүүлэгчийг шалгаруулах уралдааны зорилго нь Монголд ус, агаар мэт дутагдаж буй утга зохиолын орчуулгын залуу үеийг хөхиүлэн дэмжиж, гаргаж ирэхэд чиглэгдсэн бөгөөд уг номонд багтсан орчуулагчдын бүтээлүүд нь урьд өмнө эх хэлнээ орчуулагдаж байгаагүй дэлхийн сор болсон зохиолчдын бүтээлүүд юм.  

Сонгодог өгүүллэгийн дээжис №1

Монголын Орчуулагчдын Эвлэлээс сүүлийн үед уран зохиолын үргэлжилсэн үгийн орчуулга хийж буй авьяаслаг залуучуудыг нээж илрүүлэх, тэдэнд урам хайрлах, орчуулсан өгүүллэгийнх нь дээжээс энэхүү номонд багтааж, урьд өмнө эх хэлнээ хөрвүүлэгдэж байгаагүй дэлхийн сонгодог богино өгүүллэгүүдийг эх хэл дээрээ уншиж танилцах ховорхон боломжийг олгож байгаа билээ. Энэ номонд орчуулгын шаардлага хангасан хорин залуу орчуулагчийн 29 өгүүллэг багтсан агаад уралдаанд оролцогсдын цар хүрээ, итгэл зүтгэл жил ирэх тутам өсөн нэмэгдэж, өргөжин тэлэх хандлагатай байгаа нь нэн сайшаалтай. Энэхүү өгүүллэгийн түүвэрт Японы нэрт зохиолч Р.Акутагавагийн 'Рашёмон', Чарльз Диккенсийн 'Гайхамшигт аялал буюу нэгэн бадарчны түүх', Уильям Ваймарк 'Сармагчингийн сарвуу', Францын нэрт зохиолч Ги дө Мопассаны 'Эцэг, хүү Отто', 'Ла Мартин', Виктор Хюгогийн 'Загасан хөндий', Уильям Сарояны 'Ганган цагаантай учирсан тэр нэгэн зун', Ясүнари Кавабатагийн 'Аймшигт хайр', Франц Кафкагийн 'Цөөврүүд ба арабууд', Нобелийн шагналт зохиолч Габриэль Гарсиа Маркесын 'Цэнхэр нохойн нүд', Элис Мүнрогийн 'Тэнхлэг', Шига Наояагийн 'Сахлын хутга', Сербийн нэрт зохиолч Милорад Павичийн 'Урвуу эргүүлсэн бээлий', Эрнест Хэмингуэйн 'Цэвэрхэн гэрэлтэй газар', Эдора Үэлтийн 'Бүдэгхэн жим', А.П.Чеховын 'Сэтгэгч' зэрэг цагийг эзэлсэн шилдэг өгүүллэгүүд багтжээ.  

Сонгодог өгүүллэгийн дээжис №2

Эрхэм уншигч таны гарт энэ удаа 'Сонгодог өгүүллэгийн дээжис-5' хэмээх цуврал ном маань хүрч байна. Монголын Орчуулагчдын Эвлэлээс энэхүү номыг эрхлэн гаргаж байгаа нь уран зохиолын үргэлжилсэн үгийн орчуулга хийж буй авъяаслаг залуучуудыг нээж илрүүлэх, тэдэнд урам хайрлах, орчуулсан өгүүллэгийнх нь дээжээс тус номонд багтааж, урьд өмнө эх хэлнээ хөрвүүлэгдэж байгаагүй дэлхийн сонгодог богино өгүүллэгүүдийг эх хэл дээрээ уншиж танилцах ховорхон боломжийг олгож буйгаараа онцлог билээ. Тиймээс МОЭ-ээс 'Дэлхийн сонгодог богино өгүүллэг' -ийн уралдааныг зарлаж, шалгарсан бүтээлийн эздийг шагнаж, урамшуулахаас гадна 'Сонгодог өгүүллэгийн дээжис-5' номыг эрхлэн гаргаж, уншигч түмэнд хүргэж байна.  

Сонгодог өгүүллэгийн дээжис №5

<p>Дэлхийн сонгодог утга зохиолын өгүүллэгийн төрлийн уралдааны бүтээлийн түүвэр, энэхүү номд шилдэг орчуулагчдын хөрвүүлсэн бүтээл багтсан бөгөөд Монголын орчуулагчдын эвлэлээс 6 дахь удаагаа эрхлэн гаргажээ</p>