Уг бүтээл нь 3 хэсэг, 13 бүлэг, 73 дэд бүлэгтэй томоохон бүтээл бөгөөд Еврази, Төв, Дундад, Өмнөд Ази, Арабын хойг, Умард Африкийг хамруулан Их Монгол Улсыг орчин үеийн олон улсын эдийн засгийн харилцаа, олон улсын маркетинг, дэлхийн эдийн засгийн үүднээс судалсан нь түүхэн үйл явдлыг орчин үетэй холбосон судалгааны шинэ чиглэл хэмээн эрдэмтэн судлаачид үзэж байна. Бүтээлд Монголын Эзэнт Гүрэн дэлхийн аж ахуй, олон улсын эдийн засагт томоохон байр суурь эзлэхүйц ач холбогдолтойг харуулсан цогц судалгааны үр дүнг тусгасан нь орчин үеийн олон улсын эдийн засгийн харрилцаа болон дэлхийн эдийн засагт чухал ач холбогдолтой ажил болжээ.   Нөгөө талаар дэлхийн олон оронд амьдарч буй монгол туургатан орнуудын их, дээд сургуулийн багш оюутнуудад Монголын Эзэнт Гүрний энэхүү бодит түүхэн туршлага нь онол практикийн чухал ач холбогдолтой болохыг онцлож байна.  

Олон улсын эдийн засгийн харилцаанд "Алтан ордон улс"-ын оруулсан хувь нэмэр

Эдийн засгийн шинжлэх ухааны доктор, профессор Б.Мягмаржавын туурвисан “Олон улсын эдийн засгийн харилцаа 'Монголын нууц товчоон'-д” хэмээх бүтээл бол Монголын болон дэлхийн нүүдлийн мал аж ахуйн талаар түүний бичиж нийтлүүлсэн олон бүтээлийнх нь үргэжлэл юм. Уг бүтээлд хялбаршуулсан өгүүлэл, нийтлэл, дурсамж хэлбэрийн дэд бүлгүүд бий боловч бүх бүлэг, дийлэнх дэд бүлэг нь олон улсын эдийн засгийн харилцааг “Монголын нууц товчоо” зохиол дахь олон улсын эдийн засгийн харилцааны асуудалтай холбоотой зүйлүүдийг сонгон авч харьцуулан судлахад чиглэгджээ. Судалгааны үр дүнд Монголын эзэнт гүрний харъяанд байсан БНХАУ, Энэтхэг, БНСУ, ОХУ зэрэг XXI зууны дэлхийн эдийн засгийг тодорхойлогч орнууд болж байгааг зохиогч онцолсон байна.  

Дэлхий-Олон улс-Монгол улс