Мэдээллийг уншиж орчуулж сурах нь хэл сурах чухал алхам болдог. Гэхдээ ямар мэдээллээс эхлэх вэ? Хүн бүр л бага наснаасаа үлгэрт дуртай байсаар ирсэн болохоор үлгэр орчуулж сурахаас эхлэе. Тэгээд дараа нь үргэлжилсэн үгийн зохиол, цаг үеийн мэдээ, мэдээлэл гээд ахиж болох юм. Амьтдын тухай өгүүлсэн үлгэр их сонирхолтой байдаг. Иймд энэ удаад амьтдын тухай үлгэрийг англи, монгол хэлээр зэрэгцүүлэн хадмал орчуулгатай хүргэж байна. Мөн үлгэрт гарч буй шинэ үг, өгүүлбэрийг орчуулах дадал болгон дасгал, даалгаваруудыг хавсаргасан болно.  

Амьтдын үлгэрүүд-орчуулга

Аль ч хэлний үгсийг бид толь бичгээс цээжлэхдээ үсгийн дарааллаар таньж тогтоох аргыг хэрэглэх нь түгээмэл билээ. Энэ нь хэлбэр хөөж үг тус бүрийн утгыг таньж тогтоож байна гэсэн үг юм. 'Үгийн өвгөн утгын таяг тулдаг' гэж үг бий. Утгагүй үг гэж байдаггүй болохоор үгийг цээжилнэ гэдэг нь утгыг ухаж мэдэх гол үндэс болдог. Энэхүү толь бичиг нь 3 хэсгээс бүрдэж байгаа бөгөөд эхний хэсэгт өргөн хэрэглээний үгсийн түлхүүр болох үгийг тод хараар тэмдэглэн сэдэвчилэн хувааж үүнийгээ утга бүрээр дэлгэрүүлэн задалж жишээгээр баяжуулан үзүүлсэн бол, хоёр дахь хэсэгт түлхүүр үгсийг утгаар нь ай болгон үйл үг, жинхэнэ нэр, тэмдэг нэр гэж ангилан жишээг жагсаан галиглаж бичсэн болно.  

Идэвхитэй үгийн толь бичиг

Гадаад хэл сурахад юуны өмнө олон үг тогтоож чээжлэхийг зөвлөдөг. Улмаар ой тойнд хоногшсон үгсээ орчуулж давтаж байвал нэн сайн. Ийнхүү үгсийг холбож өгүүлбэр болгон хэлхэхэд дүрэм зайлшгүй шаардагдана. Гэвч дүрэм үзэх нь гадаад хэл сурахад тохиолддог хамгийн бэрхшээлтэй, шантарч няцмаар зүйл нь байдаг. Харин энэ удаад англи хэлний хэлзүйн бүх дүрмийг хэнд ч ойлгомжтой байхуйц зургаар тайлбарлан таниулж байна. Ингэснээр гадаад хэл сурах хэцүү ажил та бүхэнд хөгжилтэй, хялбар байх болно.  

Англи хэл хялбар сурахуй