Үлгэр сонсож өссөн хүүхэд амьтан, ургамлыг хайрлах энэрэх ухаанд суралцдаг. Хорон муу санааг сайхан сэтгэлээр ялж байгаа тухай, хэн нэгэнд тус хүргэвэл түүнийхээ хариуг заавал хүртдэг тухай, амьтан, ургамал ч бас хүн шиг өвддөг, амьдардаг тухай үлгэр сонсох нь хүүхдийн хүмүүжилд сайн үр нөлөөтэй байдаг. Мөн аялгуут сайхан Монгол хэлнийх нь үгийн болон утгын санг нэмэгдүүлж, эх оронтой нь ойртуулахын тулд орой бүр та хүүхэддээ үлгэр уншиж өгч байгаарай. Ялангуяа Монгол ардын үлгэрүүдэд орчин үеийн хүүхдүүдийн сонсож дуулж байгаагүй үгс олон орсон байдаг учраас, хүүхдийн чинь өдөр тутмын хэрэглээний үгийн баялаг нэмэгдэж, уран зохиол болон монгол хэлний хичээл дээрээ алзахгүй болно. 'Монгол ардын үлгэр'-ийн I ботид Эрхий мэргэн, Аргат өвгөн, Болдоггүй Боролзой өвгөн, Баян түшмэл, Гурван настай гунан улаан баатар, Гал улаан хаан, Далантай өвгөн, Зоригт анчин хүү, Мэргэн шүүгч зэрэг 80 гаруй үлгэр багтсан байна.  

Монгол ардын үлгэр

Энэ үлгэрийн явдал   Эрт урьд болсон юм.   Эвлүүлж шүлэглэхийн учир   Хойшдын сургаалтай юм.   Ноорхой цоорхой хувцастай   Туранхай шуранхай биетэй   Ядуу зүдүү хүү   Энэ орчлонд байжээ.   Хойш урагш тэнэсээр   Хоёр хөл нь эцэж гэнэ.   Хоол хувцас хайсаар   Хамаг бие нь цуцаж гэнэ.   Харгуйн тоосонд сууж гэнэ.   Хаашаа явахаа бодож гэнэ.   Хангинатал ингэж дуулж гэнэ.   'Тоост орчлон гэдэг   Тоогүй олон замтай юм.   Нарт орчлон гэдэг   Найгүй олон замтай юм.   Хоосон ядуу надад   Хойшоо ч ялгаагүй   Урагшаа ч ялгаагүй   Дорд ядуу надад   Доошоо ч ялгаагүй   Дээшээ ч ялгаагүй   Хорин зам байлаа ч   Хоолтой зам   Олдохгүй юм.   Арван зам байлаа ч   Амьдрах зам   Олдохгүй юм.   Алт эрдэнэс элбэг болоосой.   Аз жаргал эдлэхсэн   Хамгийн ядуугаа мартахсан   Хамгийн баян болохсон.'   Ингэж дуулж суутал   Ирэх бараа харагдаж гэнэ.   Айсуй барааг үзээд   Амдан тосож очив гэнэ...  

Хамгийн ядуу, хамгийн баян

Хүүхэд болгон үлгэрт дуртай. Зарим хүүхэд үлгэрийн ном уншаад суухаараа хажуудаа байгааг ч анзаардаггүй. Тэр ч байтугай ээж, аавдаа 'хоол ундаа мартав уу?' гэж зэмлүүлэх ч бий. Үнэхээр, 'үлгэрийн ертөнц' гэдэг арааны шүлс асгарам амттайхан алим шиг. Энэ номонд нийт 40 шахам шилдэг үлгэр багтсан болно.  