Дэлхийн улс орнуудад ураг удмын бичгийг эртнээс хөтөлдөг байсан. Үүний дотроос Монголчуудын өвөг дээдэс үр хүүхдүүддээ өөрсдийн овог удам залгамжаа амаар хэлж сургахын хамтаар бичгээр уламжлан 1300 гаруй жилийн тэртээгээс угийн бичгийг хөтөлдөг байсан түүхтэй. Номын зохиогч уг номоо өөрийн удам угсаагаа, удмын сангаа цэвэр ариун байлгах чин хүсэлтэй монгол хүн болгонд зориулан эрхэм таны ширээний ном, дотны зөвлөгч тань болгож байна. Угийн бичиг хөтөлснөөр та монгол түмний их баяр Цагаан сараар битүүний өдөр, цагаан сарын баярын өдрүүдээр 'Угийн бичиг'-ээ гарган шинээр баяжуулан хөтлөх сайхан уламжлал танай гэр бүлд үеэс үед заншил болон үргэлжлэх болно.