Аливаа хүний ертөнцийг үзэх үзлийг илэрхийлэх шилмэл хэлбэр нь 'Эсээ' юм гэж үзэх болжээ. Орчин үеийн оюутан сурагчид хичээлийнхээ тухайн сэдвийг хэрхэн ойлгож, ухаарснаа болон сургуулиа төгсөөд ажилд орохдоо бичдэг өргөдөл нь ч 'Эсээ' хэлбэрт шилжин хэрэглээ нь улам өргөжиж байна. Энэ номонд 'Эсээ' гэж юуг хэлэх вэ? үүнийг бичиж сурах аргачлал, алхам, 'Эсээ' зохиомжийн хэв маягууд түүнд тавих шалгуур зэргийг хялбарчлан, тайлбарласан байна. Мөн их, дээд сургуульд элсэн орохыг зорьж байгаа сурагчдад санамж болгон өмнөх жилүүдэд элсэлтийн ерөнхий шалгалтанд ирж байсан асуулт, тестүүд, монгол бичиг болон хариу түлхүүрүүдийг оруулж, шалгалт өгөхөд баримтлах хууль дүрэм, зааврыг эх материалаар нь хавсарган оруулжээ.