Монгол улсын иргэдийн сэтгэл зүйн боловсролыг дээшлүүлэх нь улс эх орны хөгжил дэвшилд томоохон түлхэц болох юм. Нийт иргэд сэтгэл зүйн шинжлэх ухаанч мэдлэг боловсролтой болсноор өөрийн болон гэр бүлийн асуудлуудаа ухаалгаар шийдвэрлэх боломж бий болно. Улс гүрнүүдийн хөгжил техник технологийн дэвшил эдийн засаг нийгэм соёл боловсрол эрчимтэй хөгжихийн хэрээр хувь хүнд бий болох стресс бухимдал өдрөөс өдөрт нэмэгдсээр байгаа нь нийгмийн хөгжилд хүчтэй нөлөөлөх болсон. Номонд оруулсан сэдэв бүрийг иргэдэд ойлгомжтой дөхөм болгох үүднээс хүснэгтэд оруулж өгсөн нь системчлэгдсэн байдлаар ухамсарт үлдэж цаашдын мэдлэгийн суурь нь болох юм.