Эцэгтээ бичсэн захидал
Зохиолчийн бусад номууд
Ихэвчлэн хамт авдаг
Санал болгох
Танилцуулга
Эцэгтээ бичсэн захидал бол Франц Кафкагийн 1919 оны арван нэгдүгээр сард аав Херманндаа хандан бичсэн захидал авай. Уг захидалдаа тэрээр эцгийнхээ токсик, нарциссист хандлагын талаар бичсэн байдаг. Кафка эл захидлыг улам бүр хөндийрч буй хоёр биеийнхээ харилцааг жаахан ч гэсэн ойлголцолд хүргэх гэж бичсэн ч захианд аавынхаа хортой харилцааг маш хурцаар илэрхийлсэн юм.
Кафкагийн найз Макс Бродын хэлснээр, тэрээр тус захидлаа бичиж дуусгаад, ээждээ өгөн аавдаа дамжуулахыг хүсжээ. Харин ээж нь захидлыг аавд нь огт уншуулж зүрхлээгүй ба хүү рүүгээ буцаан явуулсан байна. Анхны хувилбар нь бичгийн машинаар цохисон, гурав шахам хуудсыг нь гараар бичиж, засвар оруулсан нийт 45 хуудас захидал байсан аж.
“Хайр нь дотроо хал нь гаднаа” гэж монгол ардын зүйр цэцэн үг бий. Гэхдээ бид монгол ардын ухаанаа хэр зөв таньж ойлгоод, амьдрал ахуйдаа хэрхэн үр дүнтэй ашиглаж байна гэдгийг эргэцүүлэн тунгаах цаг нэгэнт иржээ. Уг захидлыг уншихад хүүхэд өсгөхдөө хайр халамж, хатуу ширүүнийг эн тэнцүү эс тогтоон бариваас хал үзүүлж, хашир таниулах нэрийдлээр хүүхдийнхээ дотоод гал цогийг бөхөөн, эцэг эхийнхээ “би”-г тэжээсэн амьгүй албатыг бүтээх хор урхагтай болохыг яахын аргагүй ойлгоно. Мөн түүний эцгийн жишээ бидэнд жинхэнэ үлгэр дуурайл эцэг байх нэг өөр, гарыг нь ганзаганд хөлийг нь дөрөөнд хүргээд өгөх юм сан гэсэндээ хүүхдийн өөрийн дур сонирхлоор шийдвэр гаргах эрхийг нь хаан боогдуулж бусдаас хараат, зориг зүрхгүй нэгэн болгоход хүргэх эцэг эхийн ялгаа заагийг олж харахад тусална.
Үзүүлэлт
- ISBN-13 : 978-9919-28-059-8
- Худалдаанд гарсан огноо : 2023-06-29
- Формат : Цахим ном
- Нүүрний тоо : 92 нүүр
- Эрхлэн гаргасан :
Монсудар хэвлэлийн газар
- Бүтээлийн хэл : Монгол
- Файлын хэмжээ : 3.3434 MB
| ISBN-13 | 978-9919-28-059-8 |
|---|---|
| Худалдаанд гарсан огноо | 2023-06-29 |
| Формат | Цахим ном |
| Нүүрний тоо | 92 нүүр |
| Эрхлэн гаргасан | Монсудар хэвлэлийн газар |
| Бүтээлийн хэл | Монгол |
| Файлын хэмжээ | 3.3434 MB |
Зохиолчийн талаар
Франц Кафка (Герман: Franz Kafka; 1883 оны 7 сарын 3 – 1924 оны 6 сарын 3) нь XX зууны Герман хэлтний уран зохиолын томоохон төлөөлөгч юм.
Тэрээр Чехийн Праг хотноо худалдаачин еврейн гэр бүлд төрсөн. Эх нь эрдэмт раббайн гаралтай, эцэг нь мал нядлагчийн хүү байжээ. Кафка гимнази сургуулийг төгсөөд 1901-1905 онд Прагт хууль зүйн ангид суралцаж байхдаа урлагийн түүх, герман хэл шинжлэлийн лекц давхар сонсож, 1907 онд хувийн даатгалын компанид ажилд оржээ. 1917 онд уушгины сүреэгээр өвдөж, 1922 онд тэтгэвэрт гарсан ба 1923 онд багаасаа хүсэж мөрөөдөж байсан "орголтоо" хийж Берлинд очоод чөлөөт зохиолчийн журмаар суужээ. Удалгүй бие нь муудаж, улмаар 1924 оны 6 сарын 3-д Венийн ойролцоох Кирленг сувиллын газар нас барсан. Тэрбээр хэзээ ч гэрлэж байгаагүй аж.
Амьд ахуйдаа өөрийн найз О. Поллак, Х. Хессе, Т. Манн, Б. Брехт, М. Брод нарын шахалтаар Ажиглалт зэрэг 8 богино өгүүллэгийн түүвэр, мөн Галч, Хувирал зэрэг цөөн хэдэн зохиолоо л хэвлүүлж олны хүртээл болгосон байна. Энэ нь ч түүнд утга зохиолын ертөнцөд чамлахааргүй байр суурь авчирчээ. Гэхдээ л Кафка өөрийн зохиолыг бусдын хүртээл болгох тун дургүй байсан гэдэг.
Нас барахынхаа өмнөхөн 1922 онд найз Макс Броддоо өөрийн бүх бүтээлүүдийг устгахыг захиас болгон гэрээслэл үлдээсэн боловч Брод нь Үйл явц (1926), Америк (1927), Шүүх ажиллагаа, Цайз гээд бүх зохиолыг нь хэвлүүлснээр арга барил, дүр, өнгө аяс агуулгын шинэчлэлээрээ өрнө дахины үзэл нэгт зохиолч нөхдийнхөө уран бүтээлд гүн гүнзгий нөлөө үзүүлж, Европт ихэд хүчээ авч асан модернизм жинхэнэ ёсоор бүрэлдэн тогтоход шийдвэрлэх нөлөө үзүүлж, улмаар нэгэн хүчирхэг эх сурвалж нь болсон юм.
Хэрэглэгчийн сэтгэгдэл
Сэтгэгдэл үлдээх
Нэвтрэх
Хэрэглэгчийн сэтгэгдэл байхгүй