Аж ахуйн нэгж байгууллага дээр өдөр бүр ажил гүйлгээний ба ажил гүйлгээний бус мэдээ асар ихээр боловсруулагдаж байдаг. Тэгвэл энэ бүх мэдээг түргэн хугацаанд хэнээс ч, юунаас ч үл хамааран боловсруулах асуудлыг мэдээллийн цогц систем шийдвэрлэж байдаг. Өөрөөр хэлбэл таны бизнесийн өнгөрсөн цаг хугацааны мэдээдэлд үндэслэн ирээдүйн талаар таамаглал дэвшүүлэх, таны шийдвэр гаргалтыг хэрэгцээтэй цаг хугацаанд нь оновчтой мэдээллээр дэмжихэд нягтлан бодох бүртгэлийн системийн ач холбогдол нь оршиж байдаг. Сурах бичигт нийт 10 бүлэг багтсан бөгөөд бүлэг тус бүр онол, жишээ, анхаарах зүйл, бодлого, кейсүүдийг агуулсан болно.