Дэлхийн урлагийн хөгжиж ирсэн түүхэн замналыг харахад XIX зуун хүртэл цөөн тооны хэв маяг хэдэн зуун жилээр ноёрхож байснаас уран бүтээлчид тодорхой загварт баригдан ижил төстэй бүтээхийн дээр үлгэр домог, шашны сэдвээр түлхүү бүтээсэн байдаг. Улмаар XX зууны эхээр хуучин уламжлалаасаа бүрэн татгалзаж, нийгмээ манлайлахын тулд янз бүрийн арга барилыг туршиж, урлагийн төрлүүд хоорондоо арга барилаа чөлөөтэй солилцсоноор урлагийн нэр төрөл олширч, уламжлалт урлагуудын хоорондын эрс зааг ялгаа уян хатан байдалд шилжжээ. Өөрөөр хэлбэл, уран зургийг зөвхөн будгаар, баримлыг мод, чулуу, төмрөөр зураасан зургийг цаасан дээр бүтээнэ гэсэн ойлголтууд үеэ өнгөрөөжээ. Урлагт техникийн дэвшил гэрийн хурдаар нэвтэрч, хөдөлгөөнтэй, дуу авиатай боди-арт, хэппининг, перформанс, лэнд-арт, инстолляц, видео-арт зэрэг урлагийн шинэ төрлүүд үүссэн байна. Эдгээр нь XXI зуунд ч сонирхол татсан хэвээр, улам бүр эрчээ аван хөгжсөөр байна...