Зохиогч дан ганцаар шүлгийг бүтээдэг гэвэл эндүүрэл. Шүлэг зохиолын хэрэглэгч нь ямагт уншигч бөгөөд түүнд хүрч байж гэмээнэ уг зохиол сая амь биеийг олох ажээ. Энэ утгаараа, шүлгийн эцсийн жинхэнэ бүтээгч бол зохиогч, уншигч хоёул нийлсэн даруйд болно. Аливаа зохиолыг уншигч бүхэн өөр өөрийнхөөрөө тусган авдаг болохлоор аль нэг шүлэг хэн хүнд таашаагдах атал нөгөөд нь эс таалагдаж бас болно. Энд орсон нэг боловч шүлэг, ядахдаа ганц мөр хэн нэгнийх нь сэтгэлийн тэнгэрт зурсхийх төдий цахилах аваас зохиогчийн хүсэл сая биелэж байна. Амьдралын төгөл шүлгийн CD, Амьдралын төгөл дууны CD хамт таны гарт очих болно.